USA ka gituohan nga grupo sa sindikato ang migamit sa ngalan ni Manny Pacquiao aron ipalusot ang bulto nga mga sapot sa Manila South Harbor, matod pa sa usa ka Customs officials.

Matod pa nga ang maong modus nadiskubrehan sa mga Customs officials human nila masakmit ang duha ka 40-foot nga container vans sa mga okay-okay nga bistida nga giingon gikan sa Estados Unidos.

Ang maong kargamento nakalista sa pangalan sa Manny Pacquiao Foundation nga gihulagway nga usa ka non-government group nga gihimo sa giilang boxing icon sa nasod kinsa usa usab ka kongresista sa Sarangani Province.

Apan nabantayan nga ang giingon nga Manny Pacquiao Foundation dili diay tinuod, pagbutyag ni Customs Intelligence agent Eric Albano.

“The Manny Pacquiao Foundation does not exist, but there’s an Emmanuel Pacquiao Foundation based in theUnited States,,” matod ni Albano.

Si Customs Intelligence director Filomeno Vicencio Jr. mimando nga ang kargamento imbarguhon ug ibutang sa examination area sa PortofManila.

Matod ni Vicencio nga ang duha ka container vans nga bistidad gibanabanang nagkantidad og P5 million. Matod niya nga ang maong kargamento naabot niadto pang Hulyo.

“We are digging deep to find out the real owner of the shipment,” nagkanayon si Vicencio.