DEAR Papa Joe,
Tawga lang ko sa ngalan nga France, 30, taga Umapad, Mandaue City. Akong suliran kabahin sa akong asawa nga nausab na karon. Sa tinuod wala pa kamiy anak sulod sa unom ka mga tuig namong kasal. Before healthy kaayo ang among kaminyuon until ni-suggest siya nako nga pwede ba daw nga mo work siya kay laay kuno sa balay ug sa akong panglantaw sad kay may punto siya. So, nisugot ug nakasulod siya og negosyo nga usa ka networking.
Sukad ato na-ingganyo siya sa iyang kita ug gikalipay man nako apan nagkadugay naapektuhan na man hinuon among relasyon kay gawas nga unyag uli nako, wala siya.
Magabhian siya permi ug wala na ganiy luto sa balay ug puno sa bulingon kay wala nay laba-laba. Ang nakapaet pa gyud kay di na niya mahatag iyang obligasyon isip asawa kay kapoy siya sa lakaw. Gusto ko magduda pero di lang ko kay kapoy na kon magubot.
Usahay ako siyang panid-an pero wala man sad koy nakita nga kadudahan pero mao lagi nga daghan na ang nakalimtan. Maayo unta nga mapiskan ang panimalay sa iyang kita, adto ra man sad mapunta sa iyang pamilya. Pero nakwenta na lang ni nako kay nausab na man gud. Di sad ko kapugong niya kay gamay ra man sad ko og income, di ka igo i-share sa iyang pamilya. Unsa kaha akong buhaton no nga mabalik iyang pagka asawa ngari nako? Palihug tambagi ko.
FRANCE
rBay France,
Una sa tanan, maayong adlaw. Mao lagi nay resulta sa kalisod sa panahon. Mangitag panginabuhi nga makabungkag sa pagpuyo kon pasagdan.
Ang maayo siguro nimong buhaton kay istoryahan nimo siya og tarong ug sultihi sa iyang mga pagkuwang nga karon kay kon imo nang pasagdan nga ingon ana, dangog ang kalibutan. Either naa ninyong duha ang unang makasala tungod sa pagkuwang ug pagkalimot sa obligasyon.
Pasabta siya nga naa siyay obligasyon diha nimo ug bana ka nga nagkinahanglan ana. Ang kwarta makit-an pagbalik pero ang higayon ug oras kon molabay na lisod na pabalikon.
Lisod na mapuno ka. Unsa unyay mabuhat nimo, pagamahayan pa ninyo. Sangpit lang gyud sa kahitas-an ug siya naa gatan-aw ninyo, andam motabang sa nanginahanglan. And do something nga makapa- interest sa imong asawa og uli og sayo. Nabuta lang na siya siguro sa higayon. Okay? Daghang salamat sa imong tampo.
PAPA JOE