NALANGKAT sa San Beda Red Lions ang ilang ika-15 nga titulo pinaagi sa paglubong sa San Sebastian College Stages aron haruson ang ilang best-of-five finals sa 86th National Collegiate Athletic Association (NCAA) basketball tournament nga natapos kagabii sa Araneta Coliseum.
Doble ang selebrasyon alang sa San Beda human ang Red Cubs mipukan usab sa San Sebastian Staglets, 95-84, sa best-of-three finals, 2-0, sa juniors competition.
“There is no other team in this league, who worked hard, who practised hard than my team. My boys deserved this championship. Having won 18-0 from the elims to the finals is very difficult, but I think this record will not be forgotten for a long time. This is for the fans, for San Beda,” matod ni coach Frankie Lim, kinsa aduna nay upat ka titulo sa pinakadugay nang lega sa collegiate sa nasod.
Grabi ang gipakitang dominasyon sa Red Lions gumikan kay wa man gayud kini mapildi gikan sa 16 ka duwa sa elimination round hangtod na sa championship series, 18-0.