SAGUBANGON sa sumosulbong nga boksidor nga si Bon Jovi Canillas ang usa ka malisod nga tahas sa iyang pagpakigharong sa beteranong si Ramie Laput sa undercard sa “PINOY PRIDE” boxing promotion nga ipahigayon karong Oktubre 30 sa Waterfront Hotel sa Lahug, Cebu City.

Kon kasinatian ang hisgutan, si Canillas (15-2-1, 13KOs) layo ra gyud kumpara kang Laput (38-4-2, 17KOs).

Apan dili sab gyud hinuon mabintahaan si Canillas kon abilidad ang hisgutan.

"The Manny Pacquiao Blog". Click here for stories and updates on the Filipino boxing champ.

Si Canillas gikan sa pito ka sunodsunod nga kadaugan nga pulos pinaagi sa knockout nga seguradong nakapasaka og maayo sa iyang moral.

Ning tuiga lang, upat ka knockout nga mga kadaugan ang giposte ni Canillas batok nila ni Thai Petch Twins Gym (2nd round), Tanzanian Fred Sayuni (6th round), Dexter Mendoza ug Prell Tupas, nga pulos wala nakaabot og duha ka rounds.

Sa iyang bahin, gikan man tuod si Laput sa kapildihan (7TKO) batok kang Hungarian Zsolst Bedak niadtong Disyembre sa miaging tuig apan sa wala pa kini, 23 ka sunodsunod nga kadaugan ang iyang namugna.

Ang Pinoy Pride diin mopakita’g aksyon si AJ “Bazzoka” Banal sa main event, gitambayayungan pagpahigayon sa ALA Promotions ug television giant ABS-CBN.