Aces, Texters 3-0 na

Mga duwa karon

4:15 pm- Barako batok Powerade

6:15 pm- San Miguel batok Ginebra

NAGBAHIN sa liderato ang Alaska Aces ug Talk N’ Text Tropang Texters human nila gipangpukan ang ilang tagsa-tagsa ka kontra niadtong Biyernes sa Philippine Basketball Association (PBA) 2010 All-Filipino Cup sa Araneta Coliseum.

Ang Tropang Texters ningmakmak sa bag-ong mibalik nga Meralco Bolts, 92-84, samtang ang Aces ningbuntog sa Rain or Shine Elasto Painters, 88-80.

Parehong naggunit og 3-0 nga baraha ang Aces ug Tropang Texters, ang Bolts adunay 1-2 nga rekord samtang ang Elasto Painters wa pay daog sulod sa duha ka mga duwa.

Ang Aces nisandig og maayo kang Joe Devance hilabi na sa hinapos nga bahin diin nakapang-hudlat sab gyud ang Elasto Painters.

Gipangulohan ni Devance ang kadaugan sa Aces pinaagi sa iyang 25 puntos ug 12 ka rebounds samtang nidugang og 20 puntos si Cyrus Baguio.

Ang Aces ug Texters pulos mga sayong inilog.

Sa laing bahin, mag-krus ang dalan sa magsuong teams San Miguel Beermen ug Brgy. Ginebra Gin Kings sa main game karong gabii sa samang venue nga nahisgutan.

Unya mag-abot sa premirong duwa ang Barako Bull Energy Boosters ug Powerade Tigers. (PBA.PH)

Related Stories

No stories found.
SunStar Publishing Inc.
www.sunstar.com.ph