SA mga nakasunod ug nakakita ni Shaina Magdayao kada hapon sa Alynna as in grabeh pwerting naning tawon sa guapa sa iyang pag-arte.

Aw, hinoon sa akong mga nanuntan nga mga eksena wa man kaayo koy ikasaway sa iyang pag-arte, kay sa tinood lang bata pa si Shaina nakita-an na man sab gyud kinig abilidad sa akting.

Duna lay mga bakikaw kaayo ang guapa panagsa pero pwede pasar na noh, kaw bay makig-uban sa mga mananaug.

Korak gani ang Shaina miangkon baya sab ni siya nga wala pa tawon siyay tropeo o napamatud-an kon akting award ang hisgutan, kompara sa duha niya ka leading man nga silang Sid Lucero ug Jason Abalos nga pulos na naka-angkon ug tropeo sa pag-arte.

Mao nga ang guapa tawon dafat lang nga dili sab siya ma-iwit sa aktingay ug todo bigay gyud kini walang kyeme. Kon Nag-una sa rating matag hapon ang “Alynna” ni Shaina, avah mga manash wala sad palupig ang loveydovey ining si John Lloyd Cruz kay number one sab enetch ang “Imortal” sa primetime bida.

Matag eksena ini pulos kulba hinam ang dating, di gyud angay sipyaton ang matag segundo para masundan ang dagan sa storya ug mahilambigit kag apil sa mga lobo ug bampira. Mao nga ang manag-uyab walay kabutangan sa ilang kalipay kay bisan pa man ug naputos sila sa kontrobersya ug intriga going strong ang relasyon sa duha....Ay’g saba!

“Till my heartaches end” ang bag-ong movie sa pinaka-kontrobersyal nga loveteam karon, ang Kimerald. Wa jud ko masayud nga may gigaling diay nga movie ang paboritong labtim sa kadaghanan ug si Joey Javier Reyes pa ang direktor. Nakalitan man gani ko sa dihang gi-anunsyo nga showing na enetch, unswaman tungod ba kini kay may isyu kay Kim Chiu ug Gerald Anderson mao nga gisakyan lang sab ni nila.

Ahh basta ma gimik man o drama lang nila, ato kining matubag sa showing, atong tan-awon kon blockbuster vah! Mao na kaha kini ang katapusang pelikula nga magkapartner ang duha? Suportaan ba kaha kini sa ilang mga fans bisan pa man ug may mga isyu usab batok kanila? ... ay’g saba!