Internet gigamit sab sa kampanya sa brgy. elections

HUMAN nibusikad ang petsa sa pagpangampanya niadtong Oktubre 14 alang sa piniliay sa barangay, niabot na sa Internet ang pangampanya gamit ang modernong nga computer.

Usa sa nakit-an sa Sun.Star Superbalita diha sa Facebook, usa ka social networking site, gi-post ni Carlo Regner Barrios nga nangampanya sa pagboto sa tanang mga kandidato nga Pundok sa Kauswagan ug Kausaban , grupo sa mga kandidato nga magpapili diha sa barangay nga adunay monumento nilang Lapu-lapu ug Magellan sa dakbayan sa Sugbo.

Nabutang sa social networking ang hulagway sa kapitan ug sa iyang mga konsehal nga nagdala sa kolor sa Bando Osmena Pundok Kauswagan (BOPK).

Ubos sa maong picture ang mga plataporma sa grupo nga naglakip sa pagpatukod og sports complex, senior citizens ilang atimanon, barangay clearance sayunon, basura limpyuhon, peace and order ipadayon, baha ug lunop sulbaron.

Samtang pipila ka kandidato dinhi sa dakbayan sa Sugbo nga magpapili sa eleksyon mihimo usab sa susamang pamaagi sa pagpangampanya gamit ang Facebook.

Nasayran nga niadtong Oktubre 14, nagsugod na og pamutang ang mga kandidato na nagkadaiyang dapit sa ilang barangay gamit ang tarpaulin.

Nagbitay na ang campaign materials sa public markets, basketball courts ug ang uban gipangbitay sa poste.

Hinuon si Atty. Marchel Sarno, election officer sa north district, daan nang mipasidaan nga ang ilang opisina di gyud makamonitor sa tanang barangay sa dakbayan sa Sugbo kon kinsa ang kandidato nga nakalapas sa Omnibus Election Code.

Gumikan niini, iyang giawhag ang mga taqo sa pagtangtang sa mga illegal campaign material nga gibutang sa di designated areas sa Commission on Election (Comelec).

Apan kuli kaayo kining himuon sa mga kandidato kon basehan ang nahitabo sa nangaging mga eleksyon. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph