Collector gianod, patay

HUMAN nahulog sa kanal ang motorsiklo, gianod sa kusog nga bul-og sa tubig ang usa ka lalaki hinungdan nga patay na dihang napalgan niadtong Sabado mga alas 4:00 sa hapon sa Zone-1, Bulua, ning siyudad sa Cagayan de Oro.

Giila ang biktima nga mao si Erlito Arbutante, 29, ulitawo, taga Zone-7, Patag, ning siyudad, usa ka collector.

Si Police Officer 3 Annie A¤asco sa Police Station 7 (PS7) sa Bulua nibutyag sa Sun.Star Superbalita nga posibleng nalumos ang biktima ug nabunal gikan sa pagkahulog niini sa kanal nga maoy hinungdan sa iyang kamatayon.

Nasayran nga gabii pa niadtong Biyernes nahulog sa kanal si Arbutante samtang sakay sa gimanehong motorsiklo.

Tungod sa kusog nga bul-og sa tubig nabilin ang motorsiklo ug nadala paingon sa ilawom sa imburnal ang biktima.

Gipangita kini sa pamilya uban sa iyang mga kauban apan wala nakita apan nakuha lamang pinaagi sa usa ka backhoe nga maoy niukay niini sa ilawom.

Gidudahan sa mga polis nga dihang nahulog sa kanal ang biktima nabunal ang ulo niini hinungdan wala na makalihok.

Gikatakdang ipa-otopsiya ang patayng lawas sa biktima kung unsay hinungdan sa kamatayon niini, ang pagkabunal gikan sa pagkahulog o ang pagkalumos tungod sa kusog nga bul-og sa tubig. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph