WALA ra naapektuhi sa Super Typhoon Megi ang media day sa training camp ni pound-for-pound champion Manny Pacquiao kagahapon sa Baguio City, matod ni Top Rank boss Bob Arum.

“We’re getting rain, not much wind but rain but we have about 25 or so Filipino media people who came up to Baguio. The Media Day is going ahead just as planned,” matod ni Arum sa interbyu sa www.examiner.com.

Nagkanayon si Arum nga nakigsulti siya nila ni trainer Freddie Roach ug conditioning coach Alex Ariza kabahin sa kalambuan sa preparasyon ni Pacquiao ug kuntento kaayo siya sa resulta.

“I think, based on talking to the guys, that there is a lot of work to be done but that is good because if they were way ahead of the training schedule, it would mean that Manny is peaking too soon. We’d sooner have Manny right on schedule and he can finish up strong when they relocate to Los Angeles,” matod ni Arum, kinsa nianhi gyud sa nasod aron personal nga susihon ang ensayo sa Pinoy.

Nagkanayon si Arum nga karong Miyerkules, mobiya na si Pacquiao sa iyang training camp sa Baguio City ug mo-ensayo kini’g kadiyot sa Manila sa dili pa kini motapon sa Wild Card gym sa Los Angeles.

Sa taho sa www.philboxing.com, delikadong mausab gyud ang eskedyul ni Pacquiao hilabi na kon mahampas na ang super typhoon nga adunay gibanabanang gikusgon nga 185 mph.