NAKABSAN sa kinabuhi sulod sa balay tambalanan ang usa ka lalaki human giingong nagpusil sa iyang kaugalingon gamit ang kalibre 38. niadtong Sabado sa lungsod sa Claveria, Misamis Oriental.
Giila ang biktima nga mao si Leonides Pasaguin, 38, minyo, residente sa susamang dapit.
Sa report nga natala sa Northern Mindanao Medical Center (NMMC) ning siyudad sa Cagayan de Oro diin daling gidala ang biktima nga sulod mismo sa lawak sa biktima gihimo niini ang pagpusil sa kaugalingon.
Migawas usab ang taho nga selos ngadto sa iyang asawa nga gidudahang adunay laing karelasyon ang hinungdan mao nahimo niini ang pagpusil sa kaugalingon, hinuon padayon pa kining gisuta sa kapolisan.
Dugang pa nga sa wala pa nahitabo ang insidente daw nagkalalis pa ang magtiayon.
Daling gidala sa NMMC ning siyudad ang biktima human nakaangkon og samad pinusilan sa iyang ulo nga bahin apan pipila ka oras ang nilabay nakabsan sa iyang kinabuhi.
Ang Claveria Police Station nihimo pa og masusing imbestigasyon kalabot sa insidente labina pagsuta kon wala bay foulplay sa kamatayon niini.