MGA protagonista sa gikahinaman ug gipaabot nga Pinoy Pride boxing event nga gikatakda karong Oktubre 30 sa Waterfront Hotel-Lahug ang mopakita sa ilang kahanas sa usa ka

public workout sa sa alas 3 sa hapon ugmang adlawa sa SM City.

Sila si WBO Asia Pacific bantamweight champion AJ “Bazooka” Banal kinsa makigsinukliay sa kumo batok ni kanhi two-time world champion Luis Alberto Perez sa Nicaragua maoy mangulo sa maong pre-event workout.

Anaa usab si Las Vegas-based Mark Melligen nga gikatakdang makigtigi ni Bladimir Hernandez nga may record nga 16 ka knockout nga kadaugan diin 14 niini wa kalapas og

tulo ka round.

Gawas nga makakita sa linawas nga ensayo sa mga protagonista, ang publiko makakuha usab og kahigayon nga makaangkon og libreng tiket sa away nga giayudahan sa Ala Promotions ug ABS-CBN Sports.

Ang mga tiket mapalit sa ALA Promotions Office (032) 2364611, ALA Boxing Gym sa BTC (032)4162011, USA Sports Boutique Ayala Center Cebu (032)4121069, Bisaya Ispisyal Boutique Ayala (032) 2312676 ug sa Waterfront Cebu City Hotel and Casino (032)2326888. (PR)