Gituhik sa Atlanta Hawks ang nagdilaab nga kainit sa Miami Heat sa nagpadayong NBA pre-season game didto sa Philips Arena, Atlanta, GA kagahapon pinaagi sa score 98-89 nga kadaugan.

Nangulo sa kadaugan sa Hawks si Joe Johnson nga nakahipos og 27 puntos aron sa pagtimon sa Hawks.

Samtang si Lebron James usab ang nangulo sa Miamit heat sa pagpugnit og 38 puntos og 11 ka rebounds sulod usab sa 38 minutos sa iyang pagduwa.

Ang malampuson nga kadaugan sa Hawks inabagan sa upat ka mga player nga nakakuha og double figure nga sila si Mike Bibby 13 puntos, Al Horford niamot og 12 , Josh Smith og Jamal Crawford pulos niabag og tag 11 puntos matag usa.

Samtang kaabag ni Lebron James nga nakakuha og double figure mao sila si Chrish Bosh nga niamot og 14 puntos og 14 ka rebounds, Adonis Haslem niamot usab og 10 puntos,

Samtang padayong wa gihapon maka­duwa ang laing superstar sa Heat nga si Dwayne Wade.

Ang Atlanta Hawks naglabaw sa first quarter 28-25 diin si Johnson mipugnit og 10 puntos samtang si James nitala og 15 puntos sa unang quarter sa duwa.

Pagsugod sa second quarter kalit lang nipabuto ang heat og 14-5 run aron ilugon ang labaw sa 51-46 nga bintaha aron ilugon ang bintaha pagkapupos sa first half.

Apan sa pagsugod sa 3rd quarter kalit usab nga nanginit ang mga kamot sa Hawks og nitala og 52.2% shooting percentage og walay turn overs og subli na usab nga nibiyaan ang Heat sa pinuntusay.

Ang Hawks nipuntos sa 3rd quarter 29-20 batok Heat og kini padayong naglabaw hangtud napupos ang 4th quarter diin sila gihapon ang nagpatigbabaw sa pinadaghanay og puntos 23 alang sa Hawks samtang 18 alang sa Heat.

Apan ang kadaugan sa Hawks dili sayon alang kanila sanglit nakalabaw paman ang Miami 88-85 apan nipusa og 3 pointer shot si Mike Bibby alang sa pagtabla sa score.

Ug wala pa gyud matagbaw ang beteranong pointguard sa Hawks nihipos pa kini og laing 2 puntos aron ilugon ang labaw 90-88 pabor sa Atlanta.

Gisundan pa kini og laing 3 point bomb ni Marvin Willams sa nahabiling 1.06 mi­nutes sa katapusang hugna sa ilang sangka.

Human niadto ang Miamit heat hina-hinay nga namugnaw hangtud sa katupusang segundos samtang nagpadayon ang pagpangawras sa Atlanta Hawks aron pakauwawan ang mas inilog nga Miamit Heat.

Samtang sa laing duwa, gibangkaw sa Cleveland Cavaliers ang Milwaukee Bucks 83-77, gipakilatan sa Oklahoma City Thunder ang New Orlean Hornets 101-86,gilampaso sa San Antonio Spurs ang New Orlean Hornets 111-103, gipildi sa Portland Trail Blazers ang Denver Nuggets, 90-83 og gilumsan sa Los Angeles Lakers ang Golden State Warriors 120-99. PAC