HALOS tanan nga mga column o balita nga mabasa, madungog ug makita nato sa media maghisgot gayud sa umaabot nga barangay ug Sangguniang Kabataan nga piniliay karong Oktubre 25. Nagkadaiya ang mga kampanya sa kandidato, ang uban pabilin sa conventional o naandan nga pamaagi sa media mao ang magadvertise sa newspaper, magsuporta sa mga nagkadaiyang kalihukan, ad sa radio, botang poster ug streamer, house to house campaign, rally, butang og ad sat v (kadtong mga adunahan) ug ang pinaka-latest nga paagi sa kampanya mao ang Facebook, Friendster, My Space ug Twitter. Mga social networking provider sa internet.
Tanan paagi buhaton gayud sa modagan aron lamang mabutang sa posisyon. Nagkadaiyang paagi o gimmick nalamang ilang buhaton aron maka-attract og insaktong pagtagad sa katawhan. Ang mga gor-its o edad-edaran lisod gyud og tupar sa mga batan-ong kontra tungod sa mga nagkadaiyang gimmick. Only in the Philippines ra gyud kana siya. Sa laing nasud bisan tuod hitech sila apan controlled man kaayo ang mga sites nila. Sa nagkadaiyang gimmick nga atong nakita, nadunggan, nabasahan, asa man kita padulong?
Pangutana nga ang mga lideres nato ang makatubag tungod kay gibutang man sila sa mga maong katungdanan. Aha kita paingon isip nasud, tungod kay hitech nakita, hitech naba usab ang atong mga amenidad ug pasilidad? Pati atong mga infrastructure ug ilabina atong ekonomiya. Nauso sa sulod sa napulo na katuig ang milabay ang e-ticket, e-card, e-mail ug uban pang mga eeeee, karon naa nakita sa e-politics, tanan buhaton aron modaug ug mailhan. Buhaton ba usab nila ang tanan kung anaa na sila sa panerbisyo sa ilang mga kaigsoonan?
Isip botante, kita usab kinahanglang e-voter, tungod kay kung dili kita mag inabtik, kita maabtikan so louy kaayo kita kay kita man ang kayod adlaw-adlaw dayon dili gihapon moasenso, ang uban dagandagan lang sa piniliay daghan na kwarta. Busa bitaw sa usa lamang ka posisyon pwerteng daghana gayud ang magpapili, tungod niini aduna nay gibutang na mga nuisance candidate sa COMELEC. Ang atong mga katigulangan nga wala naanad sa eeeee, mobotar sila basi sa ilang nailhan, nadunggan ug nakit-an. Maayo man kining bag-ong mga technology apan dili gihapon malupigan ang mga kinaraang paagi sa pagadvertise sa usa ka butang o kandidato.
Busa mga igsoon, dili ta palupig, inabtik usab kita nga mobotar sa mga kandidato nga angayan ibutang sa katungdanan. Kung pwede dili na kita mobotar sa mga trapo, mga gor-its, didto kita sa mga batan-ong mga bag-ong dugo sa politika aron usab naa kitay makita nga kaugmaon tungod kay presko pa kaayo na ilang hunahuna dili pa korupted. Kung walay batan-ong na didto kita sa lesser evil. Inabtik gyud para sa atong maabtik nga kaugmaon.