BISAN pa man og magkaribal sila sa usa ka babaye sa seryeng "Martha Cecilia's Kristine Series," sa Dos, gibarugan nila Zanjoe Marudo ug Rayver Cruz nga good friends silang duha.

Di kalikayan nga gina-intriga ang duha, naglumbanay sumala pa kun kinsa ang maka-una sa kasing kasing ni Cristine Reyes, nga lead actress sa "Kristine".

Kahinumduman nga na-link na kaniadto si Rayver kang Cristine, apan naundang kining tanan, dihang mismong si Cristine na ang milikay.

Say sa dalaga nga dili sya gusto nga mosud og usa ka relasyon nga may masakitan siyang laing tao.

Sitsit sa mga tsikadora nga posibleng ang gina-refer ni Cristine mao si Sarah Geronimo nga nakasuod sab ni Rayver.

Dihang na-link si Rayver kang Cristine, miguwa sab ang intriga nga nag-emote si Sarah, nag-dialogue kining nasakitan gyud siya.

Balik sa atong unang tsika, pung ni Rayver nga maayo ang ilang relasyon ni Zanjoe, mas daghan sila og time nga magka-uban tungod sa serye.

"Si Z (referring to Zanjoe) siya yung lagi kong kasama sa dressing room pero pag may time, nag-uusap kami ni AA (Cristine) tungkol sa mga eksena," ni Rayver.

Giklaro sab ni Rayver ang mga tsismos nga bad influence kaniya si Zanjoe tungod ginatudluan siya niini nga moinum og alkohol.

"Hindi bad influence si Z. Pag goodtime talaga kayo ng barkada, minsan impossibleng hindi kayo iinom. Pero hindi naman magpapakalasing, hindi naman sa puntong magpapaka-wasak kami," depensa niya.