USA sa nadawat nga report sa Police Regional Office-Northern Mindanao (PRO) sa adlaw sa piniliay kagahapon mao ang daw pagsunog sa usa ka tunghaan sa Maambang, lungsod sa Tagoloan, Lanao de Sur.
Kini ang gikumpirma ni Police Superintendent Surki Sereñas kinsa tigpamaba sa PRO-Northern Mindanao sa interbyu sa Sun.Star SuperBalita.
Matud niini nga miabot kanila ang report nga gisunog kini sa wala mailang mga suspetsado apan padayon pa nga gisuta ning panahona kung unsa kadako sa damyos.
Gisuta pa usab sa kapolisan kung ang tunghaan adunay pagboto na natigayon labina miabot sa ilang report nga walay voting counting machine sa tunghaan dihang nahitabo ang insidente.
Giimbestigahan pa usab sa kapolisan kung election-related ba kini.