KAPULISAN sa dakbayan sa Lapu-Lapu di na moimbestigar sa pinusilay sa Barangay Punta Engaño niadtong Lunes sa kaadlawon adlaw sa piniliay nga nikalas og usa ka kinabuhi ug niangol sa tulo ka mga tawo, usa niini pulis.

Kini human nga ang Police Regional Office (PRO-7) nitukod og Task Force Engaño nga gipangulohan sa Deputy Regional Director for Operation nga si Senior Supt. Louie Oppus.

Kahinumdoman niadtong Lunes sa kaadlawon si PO3 Diogenis Carillo, sakop sa Cebu Provincial Police Office (CPPO), giingong gi-ambush sa mga tawo sakay sa van color puti.

Mga sakay sa van pulos diay mga barangay tanod.

Atol sa insedenti usa ka Demetrio Sumalpong, driver ni Angel Rodriguez, kandidato sa pagkabarangay kapitan, namatay, samtang sila si barangay Remegio Bantilo ug Alejandro Veloria nangaangol.

Apan ang mga tanod nipasangil sa pulis ug mga kaubanan nga maoy ning-ambush kanila samtang sila nagpatrolya.

Si Senior Supt. Mariano Natuel nga nahinabi sa Sun.Star Superbalita nibutyag nga human natukod ang task force sila sakop na lang sa task force.

Samtang ang task force langkuban sa Criminal Investigation and Detection Group (CIDG-7), PNP Crime Laboratory ug kapulisan sa Lapu-Lapu nga pangulohan ni Oppus.