SA pinal nga desisyon, moabot ngadto sa 284 ka mga tawo ang sakop sa Philippine contingent nga moasdang sa Guangzhuo, China sa sunod buwan alang sa 2010 Asian Games.
Ning maong gidaghanon, 191 ang mga atleta, 53 ang coaches, 16 ang managers, 12 ang medical spcecialists ug 10 ang administrative officials.
Nagkanayon si POC-PSC Asian Games screening committee head Moying Martelino nga ang gidaghanon naglakip na sa late entries sa chess, shooting ug men’s basketball.
Naus-os ang gidaghanon sa mga atleta kay gitangtang man ang dragon boat nga adunay 44 ka mga atleta gumikan kay ngil-ad man ang performance niini sa final time trial race.
“This is the final count. We submitted the applications of our late entries. But we have not receive any confirmation from Guangzhou,” matod ni Martelino.
Hinuon wala gisalikway ni Martelino ang posibilidad nga aduna pay mahidugang sa line-up sa Pilipinas kay 17 pa man ka adlaw una magsugod ang matag upat ka tuig nga kompetisyon.
Malaumon si Martelino nga malabwan sa Team Philippines ang upat ka golds, unom ka silvers ug siyam ka bronzes nga nahakot sa mga Pinoy sa 2006 event.
“Personally I think that with the preparation and training and the choosing of our athletes, we should improve now compared to what we did in Doha. We’re looking at something better,” matod ni Martelino.
Si PSC commissioner Chito Loyzaga, sakop sa RP basketball team nga midaog og silver medal sa 1990 Asiad sa Beijing, China, masaligon sab gyud nga mahitabo kini.
“Considering the amount of time we spent and the resources that were made available and put together, I have a good feeling. Their spirits are high and that they’re looking forward to compete. They will give it their best shot,” asoy ni Loyzaga.