Salapi alang sa mga botante napalgan sa kapulisan sa Lapu

PAPEL de banko nga giingong ipamayad unta alang sa mga botante sa Brgy. Punta Engaño nakuha sa kapulisan gikan sa motorsiklo nga iya sa namatay nga si Demetrio Sumalpong.

Samtang napildi nga kandidato pagka kapitan Angel Rodriguez niangkon nga iya kini apan di aron ipamalit, kon di pahalipay sa mga ningpabor kaniya.

Si Senior Supt. Mariano Natuel, hepe sa Lapu-Lapu City Police Office (LCPO) nipakita kagahapon sa hapon sa P4, 100 alang sa 19 ka mga tawo, diin matag usa dunay P200.

Gisulod kini sa brown envelop ug nakuha sa kapulisan gikan sa u-box sa motorsiklo (plate no. 7TC-K-6450 XRM) kolor itom.

Si Rodriguez nipasabot nga igo lang niyang gisugo sa pagpalit og tubig sa gawas si Sumalpong apan napagan human giingong gi-ambush si SPO1 Diogines Carillo.

Ang motorsiklo usa sa mga ebedensiya sa kapulisan nga anaa karon sa Lapu-Lapu City police station.

Gipasabot ni Natuel nga ang brown envelop adunay nakasuwat alang sa sityo Malingin nga adunay 408 ka botante. Gigahinan og tag P200 ang matag botante samtang ang lider tag P300.

Ang tanan mokabat sa P86,200 base sa nakasuwat sa envelop.

Laing nakasuwat sa envelop mao ang ngan ni Jaime Jimmy Daño ug Myrna Bacale kinsa kandidato sa pagka-konsehal sa line-up usab ni Rodriguez nga maoy naka-assign sa maong sityo.

Apan sigun sa ilang pagtuo nga mokabat nalang sa P4,100 ang kuwarta tungod kay nahatag na ang uban niini.

Ang kuwarta gibahin sa tulo nga pulos na adunay stapler uban sa mga gan sa mga tawo nga hatagan ug matag pangan adunay usa ka sample ballot sa line-up ni Rodriguez uban na sa ilang numero sa presento asa sila mobotar.

“Tag - P200 unya ang lider P300 unya kay tulo man na so kadtong mohatod anang tulo aduna silay tag P100,”pasabot ni Natuel.

Nagkanayon si Natuel nga gumikan sa ilang nakuha nisamot ang kalig-on ang pamahayag sa mga barangay tanod nga niresponde sila sa alarma labot sa palit sa mga botante nga gihimo sa kampo ni Rodriguez apan sa ilang pag-abot gi-ambush sila sa grupo ni Carillo.

Matod ni Rodriguez nga mao gayod kini ang ilang practice nga mopahalipay sanglit mao man usab kini ang gihimo sa ilang kontra nga si Kapitan Lourdes Ibag.

Gani aduna usab silay nahipos nga mga ebedensiya nga gihimo sa iyang mga kaatbang.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph