ALL-OUT sa pag-deny ang star builder and director Johnny Manahan sa tsika nga siya ang creative consultant sa Willing Willie, ang bag-ong variety-show program ni Willie Revillame sa TV5.

Si Mr. M ang direktor sa nag-babush ng Wowowee ni Willie sa ABS-CBN.

Dili lamang dinhi, ubay-ubay ka mga shows ang gihuptan ni Mr. M nga mi-swack gyud sa audiences.

Siya sab ang star builder sa pipila ka iladong artista karon sa Dos sama nila John Lloyd Cruz, Piolo Pascual, Toni Gonzaga, Bea Alonzo, Kristine Hermosa, Sam Milby, Angelica Panganiban ug daghan pa.

Mao nga init nga isyu gyud if ever man nga tinuod nga si Mr. M ang creative consultant ni Willie, tungod sa dako niyang responsable nga gihuptan sa Kapamilya channel.

May nanggawas nga tsika nga gipatawag na sumala pa si Mr. M sa chairman sa ABS-CBN nga si Gabby Lopez aron pangutan-on kalabot sa isyu.

Bisan ang Kapamilya network president nga si Ms. Charo Santos misukit-sukit na sab sa director.

Sa pep.ph mihatag og mobung tubag si Mr. M labot sa isyu.

"Willy is a friend but I have not worked with him on a show since Wowowee. The only shows I'm doing now is Win Na Win, ASAP and Star Power, and another new teen variety show for ABS," mensahe sa star builder.

Bisan pa man og gituldukan na ni Mr. M ang isyu apan di gihapon kalikayan nga padayon siyang intrigahon.

Pipila ka tuig sab silang nagka-uban ni Willie, nagsilbi siyang director sa programa niini kaniadto.

Luyo niini nagapundar sab sila og maayong relasyon.

Si Mr. M sab ang sagad naga-depensa ni Willie sa panahon nga gidabu-dabo kini og intriga samtang anaa pa sa Kapamilya channel.

Mihatag sab og dugang katahap nga si Mr. M gyud ang man-behin sa Willing Willie tungod sab sa gibuhiang pahayag sa kontrobersiyal host kaniadto.

"'Yong silya ng direktor, kung sino talaga ang babagay sa show, naghihintay lang ako. Basta naka-reserve yun sa taong babagay, kasi mahirap naman maglagay ako 'tapos hindi rin kami magkakasundo,” ni Willie.

Well, if the price is right, why not?