Express vs. Kings; Air21 batok Barako

ANG crowd-favorite Ginebra ug Air21, ang duha ka team nga nagtabla sa ikaupat nga puwesto sa overall standing, tagsatagsang makigsangka sa ilang mga kaatbang karong gabii sa pagpadayon sa 36th PBA All-Filipino Cup sa Araneta Coliseum.

Ang Kings mosuway sa katakos sa Rain or Shine sa alas 7:30 sa gabii samtang ang ikahimamat sa Express ang usa sa nangiwit nga Barako Bull sa alas 5 sa hapon.

Kining mga duwa karong gabii maoy unang dalit sa tulo ka pasundayag nga gitanyag sa PBA isip sa kasaulogan sa Halloween season.

Gani ang matag semana nga Phoenix Fuel PBA on Tour ang gikanselar aron paghatag og igong higayon sa laing double-header nga naglangkob sa duwa sa defending champion B-Meg Derby Ace batok sa sister team nga San Miguel Beer sa alas 5 sa hapon ug ingon man Meralco batok Powerade at 7:30 p.m. sa Araneta Coliseum sa Sabado.

Sa Dominggo, ang Rain or Shine makigbatok sa Barako Bull sa ala 4 sa hapon, magtakos usab ang Alaska ug Talk ‘N Text sa 7:30 p.m. sa Big Dome. (Frank Calapre)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph