USA ka lalaking wanted nasikop sa mga sakop sa kapulisan didto sa Barangay Banagbanag, lungsod sa Montevista, Comval Province, Huwebes sa hapon.

Nailhan ang dinakpan nga mao si Juniel Canetan, hamtung ang panuigon, molupyo sa susamang lugar.

Sa report gikan sa Comval Province Police Provincial Office nasayran nga pasado ala 1:00 sa hapon, nasikop sa mga sakop sa warrant section sa Montevista Municipal Police Station, pinangulohan ni SPO1 Noel Molijon, ang suspek didto sa maong lugar.

Suspek matud pa dunay pending nga warrant of arrest nga giisyu ni Judge Remedio Alejnadro Enriquez sa Municipal Circuit Trial Court in Cities sa lungsod sa Montevista tungod sa kasong attempted homicide.

Gitanggong dayon sulod sa selda ang suspek samtang nagpaabot sa sunod nga mando sa korte.

Gikataho nga ang suspek dugay nang gipangita sa mga otoridad tungod sa iyang kaso.

Apan wa na kaikyas ug nasikop siya sa mga otoridad. (Marvin Pineda)