NAKAHUMAN na sa hayskol si Yenyen. Apan way ikagasto ang iyang ginikanan hinungdan nga nangita siyag trabaho.

Mga alas 2 sa hapon niadtong Nobiyembre 4,1999, iyang gikahinagbo ang iyang uyoan nga si Esoy, 37, sa merkado sa lungsod. Ang iyang uyoan biyudo. Iya ning gisultihan nga nangita siyag trabaho.

Nitanyag kaniya si Esoy nga tabangan siya sa pagpangitag trabaho kay duna siyay higalang nangitag trabahante. Ila ning giadto apan ingon pang Esoy nakalimot siya sa nahimutangan niini.

Ningitngit na lang, busa niingon si Yenyen nga mopauli na siya apan gitiunan siyag balisong sa akusado ug gipasakay sa usa ka traysikol. Sa iyang kahadlok, wa na lang siya maglangas,

Didto sila makatug sa balay sa higala sa iyang uyoan ug gipaila siya nga asawa. Pagkasunod adlaw niadto sila sa laing higala sa iyang uyoan nga dunay peryahan. Matod sa iyang uyoan ngadto sa magtiayon nga nagtaban sila kay wa siya mauyoni sa mga ginikanan sa babaye.

Nianang gabii sa Nobiyembre 5, dihang silang duha na lang sa balay, gitiunan siya sa iyang uyoan ug giangkon ang iyang pagkababaye. Gisundan pa kini og makaduha sa nisunod nga duha ka mga adlaw.

Wa siya masayod nga gipangita na diay siya sa iyang pamilya. Napalgan siya sa iyang igsuong lalake sa ilang gipuy-an apan wa siya makasulti sa nahitabo kaniya tungod sa kahadlok.

Apan si Esoy nangatarungan, dihang gihusay na ang kaso, nga managhigugmaay sila. Gani dihang buhi pa ang iyang asawa, nagpakita nag motibo si Yenyen apan wa niya kini panumbalinga kay iya kining pag-umangkon.

Nanan-aw sila og sine nianang Nobiyembre 4 ug pagkahuman mao ni ang nanghagad kaniyang magtaban sila. Nangabang sila og kuwarto sa usa ka balay nianang Nobiyembre

5 ug ang ilang panag-sex ilang kagustohan.

Hain may mas katuohan, ang giasoy ni Yenyen o sa iyang uyoan? Sad-an ba si Esoy sa kasong rape nga gipasaka batok kaniya?

Hukom sa kasong rape

Sa unang kaso, napalgan ang akusado sa kasong simple rape busa gisilutan siya og reclusion perpetua. Sa ikaduhang kaso, napalgan siyang sad-an rape thorough sexual assault diin gisilutan siyag duha ngadto sa walo ka tuig.