GITANGGONG sa Cebu Coast Guard ang mv Aras sa pier 3 sa dakbayan sa Sugbo sud sa pipila ka oras sa miaging gabii tungod sa subra kapuno sa barko ug pipila ka kalapasan sa ‘maritime safety standard.’

Ang barko gikatakda unta nga mopadung sa isla sa Camotes, alas 10:00 sa gabii niadtong Sabado. Apan, alas 4:00 na sa kaadlawon kagahapon gitugotan nga makalawig.

Sa gihimong inspeksyonsa Coast Guard, nakita nga dunay daghang mga pasahero ang namarog ug sa ‘head count’ nasayran nga overloading og 30 ka mga pasahero ang barko.

Matud ni Capt. Anelito Gabisan, public information officer sa Coast Guard Central-Eastern Visayas District nga ang MV Ara aduna lay 160 nga capacity apan niabot kini og 186 ka mga pasahero. (SCG)