GIKAHIMUOT ni Justice Secretary Leila de Lima nga kusog kayo ang pagsulbar sa mga piskal sa Central Visayas sa mga kaso nga nasang-at sa ilang buhatan.

Si De Lima nitumbok nga anaa sa 91 porsiyento ang pagresulbar nila sa mga kaso hinungdan nga nahimutang sila sa top 4 sa tibuok nasod.

Nitataw siya nga bisag anaa sa 74 porsiyento ang ilang gipahamtang apan mas taas gyod ang gihimo sa mga piskal nganhi sa Central Visayas.

Sa iyang pagbisita sa Sugbo sa miaging semana, nihagit si De Lima sa mga piskal nga paabton pa sa 95 porsiyento ang ilang pagresolbar sa kaso aron dali nang makab-ot adtong mga tawo nga nangita sa dinaliang hustisya.