ANG Davao City Police Office (DCPO) nagpahimangno sa publiko nga bantayan ang ilang kaugalingon nga panimalay sanglit mao kini ang target sa mga kawatan ning nagsingabot nga pasko.
Ang pahimangyo gikan kang DCPO director Rene Aspera atol sa gihimong press conference sa City Hall.
"Huwag niyo ring kalimutan na i-secure niyo ang bahay niyo pag-aalis kayo. Tumataas ang Akyat Bahay na incidents pagka-ganitong panahon dahil ang mga tao ay umaalis. Mas mabuti ring may maiwan sa bahay ninyo pag kayo'y umalis," pahinumdom ni Aspera.
Si Aspera nagbutyag nga di na mabantayan sa pulis ang tanang dapit sa siyudad sanglit diyutay lamang sila ug daghan kaayo ang mga lugar sama sa simbahan nga angay bantayan.
"We would make sure na merong mga pulis sa bawa't simbahan. Together with the Task Force Davao, there would be personnel scattered anywhere kung saan maraming tao at may foot traffic. Lalo na pag panahon na ng Simbang Gabi, you can expect law enforcers to be present along with other units such as the K9 for bomb detection," ni Aspera.
Si Aspera nagbutyag nga naghuwat nalang sila sa pinal nga eskedyul sa mga aktibidad sa siyudad sa Davao subay sa Pasko Fiesta sa Dabaw nga pagahimuon sa mga publikong lugar.
Gipasabot sa maong opisyal nga ang pagbutang og mga pulis mag-agad sa gidaghanon sa aktibidad nga pagahimuon dinhi sa siyudad.
Si Aspera nagkanayon nga andam na sila sa pagbantay sa seguridad sa katawhan nga modagsang sa siyudad lakip na ang mga Lumad.
"We expect na dadagsa yung mga tao sa mga kalsada. During pasko rin dumadagsa ang mga kapatid nating lumad galing sa uplands natin at kahit pati yung galing sa neighboring areas, so we are prepared for that," pahayag ni Aspera. (JCZ/AD)