Puwede sa NBA: Cone

LAB-AS pa sa iyang scouting trip sa Las Vegas, si coach Tim Cone mi­balik sa Pilipinas nga adunay dag­hang bawon nga mga sugilanon lakip na niini ang kabahin sa panahom sa poruhan sa higanteng Sugbuanon nga si JuneMar Fajardo nga makaduwa sa National Basketball Association (NBA).

Matod ni Cone, kinsa maoy bag-ong coach sa Brgy. Ginebra Gin Kings, nga ang sentro sa San Miguel Beermen adunay potensyal nga ma­kaduwa sa NBA apan kinahanglan kining mahashasan una sa NBA Sum­mer League.

“I was talking to some of the NBA scouts and I was talking about June Mar. I said, he’s just dominating our league right now,” asoy ni Cone kabahin kang Fajardo nga migawas sa artikulo sa www.spin.ph

Si Fajardo bag-uhay lang miang­kon sa iyang back-to-back MVP title sa Philippine Basketball Association (PBA), Finals MVP sa miaging Go­ver­nor’s Cup ug tulo ka Best Player of the Conference awards.

Nidugang si Cone nga usa sa mga NBA scout nga si Jim Kelly sa Dallas Mavericks mibuhi ning maong pangutana ngadto kaniya: “How do you think he’ll do here in the Summer League?”

“I said, you give him a little bit of time, you give him a few weeks or a month or so to work out with these guys, he’ll be one of the best big man here in the summer league,” tubag ni Cone.

Magtuo si Cone nga ang 6’10” nga produkto sa University of Cebu (UC) Webmasters makaparang og in­sakto sa bisan kinsang magduduwa sa NBA Summer League.

“It’s about the adjustment and getting used to playing those really good NBA players, not being inti­midated by their athleticism,” pasabot ni Cone.

Sa laing interbyu, ang 25 anyos nga lumad nga taga lungsod sa Pi­namungajan, Cebu nipabuhagay nga wala siya’y interes nga moduwa sa NBA.

“Ayaw ko dun (sa NBA). Malalayo sa pamilya eh. Dito nga sa Manila, naho-homesick na ko hanggang nga­yon nag-a-adjust pa ako,” matod ni Fajardo.

“Wala talaga sa pangarap ko ‘yun (NBA). Masaya na ko sa kinalalagyan ko ngayon. Malalayo lang ako run.”

Matod ni Fajardo nga natuman na ang iyang pangandoy sa kinabuhi dihang naabot siya sa PBA.

“Probinsyano ako eh. Masaya ako pag nasa-probinsya ako, kaya sakto na sa akin kung ano meron ako,” pa­sabot ni Fajardo. “Kung tutuusin nga, mas gusto ko talaga mag-stay sa pro­binsya. Tahimik dun eh.”