DCWD nagpasigarbo kalampusan sa programa

ANG Davao City Water District (DCWD) mapasigarbuhon tungod sa kalampusang hatud sa "Water Safety Plan for Indigenous People."

Kahinumduman nga niadtong Enero 9, gisugdan dinhi sa dakbayan ang International Water Conference diha sa Waterfront Insular Hotel, ning siyudad.

Pahayag ni Hydie Maspiñas, quality control officer sa DCWD nga ang proyekto nakabenepisyo og gatusan ka pamilya.

"We have a hundreds na naka-benefit sa programa natin. We tap the indigenous people to help us in our campaign in maintaining the balance and preserve the source of our water," ni Maspiñas.

Sumala pa nga kaniadto maglisod pa ang mga molupyo sa dapit sa pagkuha og tubig ilimnon tungod sa kalayo sa lugar asa kuhaon ang tubig mainom.

Luyo sa DCWD anaa sab ang Department of Science and Technology (DOST) nga mipaluyo sa programa.

Sumala pa sila ang nagtudlo sa mga lumad sa Sitio Upian, Barangay Marilog sa ilang mamahimong papel sa water safety protection.

"We brought in package of interventions from infrastructure to education," pung ni DOST assistant regional director Elisa Mae Solidum.

Gipaningkamutan nga ma-preserbar ang tinubdan sa tubig sa maong dapit aron di na maglisod ang mga lumad nga mobaktas pa og layo aron lamang makakuha og tubig ilimnon.

Dugang ni Maspiñas nga anaa say gi-establisar nga water pipeline system sa komunidad, diin sa kasamtang ang tibuok sitio duna nay 12 ka communal faucets.

"Kailangan din kasi na yung lumad will help in protecting the environment doon sa taas. Mahirap na kasi what they do doon sa taas magre-reflect yan dito sa baba. Kun di nila aalagaan yung environment masisira din talaga yung paligid natin. Pagdating dito sa baba apektado na rin yung water resources natin, so kailangan we have to work hand-in-hand," sumala pa ni Maspiñas.

Dugang sa opisyal nga nagpadayon ang pagpangga sa mga lumad sa dapit, diin tungod niini naka-agni kini og pagtagad sa mga langyaw nga partners aron sab mopaluyo sila sa samang proyekto.

Ang International Water Conference mao ang "International Training Programme on Sustainable Urban Water and Sanitation-Integrated Processes" nga gisuportahan sa Lund University ug Swedish International Development Cooperation Agency.

Dugang pa nga luyo sa mga partisipante gikan sa Pilipinas, anaa sab ang mga partisipante sa China, India, Indonesia, Kenya, Sri Lanka, Tanzania, Zambia.

Sila mopaabot sa ilang eksperyensiya kalabot sa Water and Sanitation sector sa tagsa-tagsa nila ka dapit. (ROG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph