HAPPY, Yipee, Yehey sakto ba ni ang noontime show nga gisugdan gahapon sa kapamilya network. Diin ang mga host dinhi sila si John Estrada, Randy Santiago, Mariel Rodriguez ug Toni Gonzaga. Kauban sab nila matag udto sila si Bianca Manalo, Melay Cantiveros, Jobert Sucaldito ug Bentong.
Alegre ug makalingaw sila apan daghan pa sab silang angay nga pamatud-an para makabangga jud nilag maayo ang kaatbang nga programa. Hinuon bag-o pa man sab kini, daghan pa sigurog mga sorpresa nga gi-andam ang show para mas molingaw ug makatutok ta ini matag udto.
Basta wait lang sab ta syodi kon kanus-a kini mag-end kondi sa umaabot pa nilang mga mugna ug pakulo para kanatong tanang tumatan-aw, kongrats na lang! Ay’g saba!
Sa interbyu ni Phil Younghusband sa TV Patrol dili lang ang sport nga football ang nahisgutan kundi ang iyang gihimong imbitasyon sa Twitter kang Angel Locsin.
Hapi man sab ang guapo bisan ug di sila madayon tungod lagi kay super busy ang guapang aktres, pero may mga promises nga sa laing adlaw na lang kini nila buhaton. So, ang buot ipasabot ma-firing squad ang bida sa Imortal, ang pangutana naa kahay laing kadate ang Angel karong valentines day?
Madayon sab kaha ang umaabot nilang date puhon ni Younghusband? Bagay man sab sila ug pulos pa gyud single ug available. Wala sab kahay maguol diha? Ay’g saba!
“Green Rose” sugdan na usab ugma sa dos ug dili lang sila si Ann Curtis ug Jericho Rosales ang bida nga excited ini labina ang hunk nga si Jake Cuenca. Grabeh ug puno jud sa kalipay ang Jake nga makita na gyud nato ug manuntan ang maong teleserye, kay lahi sab kuno nga pag-arte ang gipakita niya dinhi intense.
Sa trailer pa lang hinoon morag kulba hinam ang mga eksena, daghang twist ug puno sab sa mga komprontasi nga maoy tipis sa madlang pipol. Ang Green Rose makita human sa “Imortal” isip hulip sa Cristine nga natapos niadtong Biyernes. Ay’g saba!