BACOLOD

From Junquera with Love: Ang Boksidor

(Ikaduha sa pito ka mga gula)

NAGAKUSOG ang paghangos ni Lando dihang nawalis na gyud niya paibabaw ang luag nga T-shirt ni Elen ug migimaw ang duha ka tugsoy sa dughan niini nga wala kahapini og bra.

“Gihigugma ko ikaw, Len! Ikaw ang akong inspirasyon sa akong pagka boksidor…” ug gipadayon ni Lando ang pag-ungad ang nagpanikad nga dughan ni Elen nga mipiyong sa iyang mga mata ug lihukan sab kaayo ang mga kamot nga nagpanghinol sa pundiyuhan sa luag nga padyama sa boksidor.

“Hala ka! Dakoa sa ulo ning langgam, Lan, uy! Katusikon na man!” ug daw nahuwasan si Elen nga hinayng mitulod kang Lando. “Hep, dili ta angay magpaanod sa atong gibati karon, Lan. Sus, may championship fight ka ugma, uy!”

Mihunong si Lando sa iyang pagsiyapol kang Elen.

“Sus, nadala gyud ko sa nag-uros-uros kong gugma nimo, Len! Nakalimot kos kalalim!”

“Na, hingpatyan kos imong trainer ug ni Papa Alex kon wa na kay panuhod ugma!” mikatawa si Elen nga miirag sa dughan ni Lando human mahinlit pagbalik ang nawalis niyang T-shirt.

“Uhaw na man god ko kaayo sa romansa sa babaye, Len. Misamot na nga bag-o lang ta nga nagkauyab ning bulana. Tulo ka bulan ko sa makutas kong training alang ning awaya, ug gidili gyud ni Sir Alex ang good time ko uban sa mga babaye.”

“Kon wa kay schedule nga fight, modalikyat diay kag gamit og mga babayeng binayran ang kalipay, Lan?”

“Ana gyud ko, Len. Apan si Sir Alex ang mohatag nakog babaye nga gikan sa desenteng casa, isip pahalipay niya kanako sa matag daog nako sa akong away, ilabi na gayud nga nahimo na kong numero unong contender sa akong dibisyon. Apan estrikto usab kaayo siya alang sa akong training. Mao nga tumanon ko gayud ang bisan unsa niyang instruction nga ipadangat sa akong trainer!”

“Mao nga dili gyud ta magpadala sa atong gibati ning gabhiona, Lan. Gusto kong modaog ka ugma sa gabii ug mahimong junior lightweight champion sa Pilipinas.”

“Tungod ug alang sa akong gugma nimo, Len, isaad ug ipasalig ko nimo nga modaog ko pinaagi sa knockout.”

“Timan-ii sab, Lan, nga kon ikaw ang mahimong bag-ong kampiyon ug mapilde mo si Hammer Kid, duna koy espesyal premyo nga ihatag kanimo.”

“Espesyal nga premyo? Unsang premyuha, Len?”

“Di ko magpanuko pagtugyan sa akong kaugalingon ngadto nimo. Ipaangkon ko kanimo ang birhen kong kaputli!”

“Bantay baya, ha! Promise is a promise, Len!” ug hugot na sab nga gigakos ni Lando si Elen nga nakapainit na sab sa tibuok lawas sa boksidor. (PADAYUNON)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph