BUGNAW man ang panahon apan sa kalit lang miinit human nga giharana sa gwapong si Piolo Pascual ang mga nanaw-aw ug mitambong sa iyang album launching last Sunday, diha sa SM Event Center ning siyudad.
Ang pagduaw sa singer/actor sa siyudad kabahin sa iyang pag-promote sa Decades II Album.
"It's so nice to be back here in Davao. Mahal ko talaga ang taga-Davao,"
nga gikakilig sab sa mga dumuduong.
Unang birit pa lamang sa aktor di kapugngan ang mga tawo sa pagsinggit, matag usa kanila buot nga makaduol sa singer, nga daw gibayaw sa kalipay nga nakita flesh na flesh ang hunk Papa ng Bayan.
Si Piolo init nga gisugat sa mga Dabawenyo nga wala gyud natarog sa ulan.
Una pa man sa album launching ni Piolo gikan kini sa ASAP Rock nga gihimo sa Crocodile Park Open Field.
"Sobrang thank you sa inyong lahat. Grabe ang Dabawenyo kahit ulan di natinag all-out pa rin ang suporta."
Ang Decades II Album ni Piolo gilangkuban sa mga greatest hits sa 1980's, 1990's ug 2000's.
Ang album ni Piolo compilation sa maka-inlove nga kanta sa nagkadaiyang dekada nga gihatagan niya og laing rendition.
Mga kanta mao ang Never Thought (That I Could Love), It's sad to belong, Just Tell Me You Love Me, Somebody, You Were There, Truly Madly Deeply, The Actor, To Be With You, You'll Be in my Heart, Again, Hero, ug To where you are.
Sa pikas bahin, gipahibawo sab sa aktor nga this year laing serye na sab ang iyang himuon uban ang wala pa gihinganlan nga aktres.
"After ng Noah, abangan niyo ang bago kung teleserye, this year siya. Mas exciting and sana ma-enjoy niyong lahat."
Ang kalihukan gipaluyuhan sa SM City Davao, Bigby's, Picture City ug BDO.
Human sa mini-concert sa actor/singer gihimo sab ang autograph signing sa mga Piolo addicts nga mipalit sa iyang album.
It's obvious nga ang mga nanan-aw sa album launching wala lamang malingaw sa maanindot nga kanta sa album ni Piolo, 101% sure nga na-inlove sila sa gwapong aktor.