NAABOT na ba ka sa higayon nga imong maingon nga "you were so wrong?" Kanang hasta gyud nimong kombinsiha nga ang gibuhat nimo "mali" gyud ba! I'm sure dili gyud nimo na ma-deny kay kinsa man god perpekto nato? O, angkon na lang.... Mosipyat man gyud ta panagsa- ang uban gani permente. No need nga mamikat kay mora pod ta ana og sikat ha ha!
Bitaw, I'm out for a while but I'm so glad to share to you now kung unsa akong nakaplagan. Si Madam Sugaran, consultant sa Aces College, ang adunay sala ani tanan. Gipakuyog man god ko niya sa usa ka breakfast meeting. "Hang-out Pro" ang tawag sa maong panagtigom. "A resting club for businessmen and professionals" kuno ang ilang katuyuan. Ginapanghitabo kini once a month sa Roadside Cafe, Panabo City, 6 to 10 AM only. In case interesado mo, March 26 ang ika-pito nga panagtagbo. Kung comment nako ang gipaabot nimo, blessed and delighted ko kaayo!
Why not? I missed listening to brilliant speakers ug kadtong adlawa, si Dr. Richard Mata ang nagpabuhagay sa kaalam ug eksperensya niya. Gitun-an namo ang Anatomy in a funny way! As a doctor, siya nagkanayon, "Every part of our body is functional and needed by other parts. Its efficiency decreases if not in use." Sunggo na? Wait Tita, i-share nako ang mga examples nga giingon niya.
We are perfectly made kuno mao dili siya mouyon sa teyorya nga nagama ta pinaagi sa usa ka dakung disgrasya sama sa "Big Bang Theory" ba! Manamin kuno ta aron makita nga atong mga "beauty" dili "aksidente" mao there's no point nga ikaulaw kini.
In three months time nga ipiyong lang nato ang atong mga mata, mapadulong daw kini sa pagka-buta. Ang atong "utok" pod daw mora og muscle nga kinahanglan gamiton kanunay. "The more we use it; the more we become wise." Bantog ra ning uban sige og exercise ang brains nila pinaagi sa pagbasa ug uban pa. Dili apil ang paghimantay sa silingan ha kay "tsismis" na ang tawag ana. Dili na makapa-bright; brain-damaged hinuon!
See? Gamiton lagi ning matag-parte sa lawas nato mga Mare ug Pare sa husto pod nga pamaagi! Uso na baya ang "organ donation" karon. Tsk! Sige ka!