MISAAD si Top Rank boss Bob Arum nga dili niya lisodlisuron si World Boxing Council (WBC)/World Boxing Organiza-tion (WBO) bantamweight champion Nonito “The Filipino Flash” Donaire tali sa iyang pagpakigbatok sa Golden Boy Promotions sa legal nga aspeto.

Sa interbyu sa www.examiner.com, si Arum nagkanayon nga kon gustong moaway si Donaire sa umaabot, hayan andam siyang makigsabot niini.

“My message to Donaire is this: if he wants to be an active fighter, then let’s sit down and talk. Through his manager (Cameron Dunkin) or whoever, let’s talk about the balance of his contract with us,” asoy ni Arum.

Sayo ning buwana, si Donaire mipirma og kontrata sa GBP bisan sa pag-angkon ni Arum nga aduna pa kini buhing kontrata sa Top Rank.

“We’ll do what we always do, a good job for the fighter. I am not out to punish Donaire. I am not in the punishment busi-ness. We will pay him very well and, when the contract is finished, he can stay with us or go elsewhere,” pasabot ni Arum.

Ning bag-uhay lang, si arbitrator Daniel Weins-tein nipahimangno sa GBP nga dili mohatag og away kang Donaire hangtod nga dili pa mahuman ang kontra sa Pinoy sa Top Rank.

Inig human pa ning tuiga mapupos ang kontra-ta ni Donaire sa Top Rank.

Karong Mayo 28 na-kaeskedyul ang sunod nga away ni Donaire ug ang Top Rank mao ang adunay katungod niini.