SAMA sa gilauman, nasubhan og kadaugan ang Gaisano Capital-University of Cebu (UC) Webmasters batok sa Winner Beaf Loaf-Cebu Institute of Technology (CIT) Wildcats, 73-62, kagahapon sa pagsugod sa Cebu Schools Athletic Foundation Inc. (CESAFI)-2011 Partner’s Cup sa Cebu Coliseum.

Apan sa wala damha, nagkasalimoang sab gyud ang Webmasters sa sayong bahin ug naggukod sila, 11-22, human sa first quarter.

Nausab ang templada sa duwa sa 2nd quarter diin gilupig na sa Webmasters ang Wildcats sa pinuntosay, 26-10, aron pagposte og 37-32 nga labaw sa halftime.

Gikan niadto, nakontrolar na gyud sa Webmasters ang duwa hangtod na sa katapusang gutlo.

Gipangulohan sa higanteng si Junmar Fajardo ang kadaugan pinaagi sa iyang 16 puntos samtang nidugang og 12 puntos matag usa sila si Edward Pao ug John Aranas.

Puntos kada usa:

Gaisano Capital-UC (73)- Fajardo 16, Pao 12, Aranas 12, Ampoon 8, Pogoy 7, Mohammad 4, Caytona 3, Magallanes 2, Tan 2, Labolabo 2, Heruela 2, Miranda 2, Batua 1

Winner Beef Loaf-CIT (62)- Dimco 14, Castro 11, Castro 10, Taboada 5, Brigoli 4, Booc 3, Baluarte 3, Lopez 2, Batiquin 2, Mangali 2, Sanchez 2, Infante 2, Alvarez 2.