NASIKOP sa mga operatiba sa Davao del Sur Provincial Police Office (DDSPPO) ang usa ka 47 anyos nga babaye subay sa gipagawas nga warrant of arrest tungod sa kasong pagpangawat.

Si Joan (di tinuod nga ngan) nagpuyo sa First Crumb, siyudad sa Digos, nasikop

sa hiniusang puwersa sa DDSPPO ug Bansalan Police Station kinsa nasiplatan ang presensiya sa maong lugar.

Si Senior Inspector Deozar Almaza, hepe sa kapulisan sa Bansalan, nitataw nga banda alas 5:15 sa hapon, Dominggo, nasakpan ang suspek sa gitagoan niyang lugar.

Ang warrant of arrest sa suspek gipagawas ni Judge Primitivo Geralde sa Municipal Circuit Trial Court subay sa giatubang niyang kaso nga nakadoket sa criminal case number 110 (08).

Gilayong gidala sa dakbayan sa Digos ang dinakpan aron nga atubangon ang kaso nga gipasaka batok kaniya. (Dondon Dinoy)