GIDEKLARA sa Sangguniang Bayan sa lungsod sa Sta. Cruz, Davao del Sur nga usa ka "protected area" na ang Sibulan River didto sa Barangay Sibulan.

Gikanayon ni Vice Mayor Alexis Almendras nga aprobado na ang ordinansang giduso sa mga sakop sa SB aron hingpit nga ma-protektahan ang maong sapa.

Gumikan niini, gipailawom na sa lokal nga gobyerno ang pagbantay batok sa mga ilegal nga pag-quarry sa maong suba.

Gitakdang bantayan ug ayuhon sa lokal nga gobyerno ang mga nagubang bahin sa

sapa human giagian sa kusog kaayong baha niadtong Enero 17 ning tuiga.

Si Konsehal Fernando Ugdoracion maoy niduso sa maong mosyon nga giuyunan sab sa iyang mga kaubanan.

Hugot na sab nga gidili ang pagpamutol og kahoy, pagkuha og graba ingon man ang

paglabay og basura sa maong sapa.

Gisang-at na sa SB ngadto sa Sangguniang Panlalawigan ang na-aprobahang ordinansa. (Orlando B. Dinoy)