NAKIT-AN sa testigo ang langyaw nga diha sa luyo sa Pajero niadtong Pebrero 8 apan di niya maila ang kuyog niini.
Si Richard Ian Bruce Bansuan, testigo sa Task Force Ella Joy, nihisgot sa korte kagahapon sa gihimong husay sa motion to quash search warrant nga nakit-an niya ang langyaw dihang nagmaneho siya sa motorsiklo kuyog si Ligaya Escultos.
Nitataw si Bansuan nga bisag di niya maila ang kuyog sa langyaw, apan maklaro niya nga ang iyang gikakuyog sa sakay sa sakyanan usa ka babaye nga nagsandig sa iyang
gilingkuran.
Apan, si Bella Ruby Santos nga nitestigo usab kagahapon nipadayag nga wa siyay kalabutan sa nahitabo kang Pique.
Matod ni Santos nga niadtong Pebrero 8 diha ra siya sa ilang balay sa Barangay Inayagan, dakbayan sa Naga kuyog ang iyang higala nga si Griffiths.
Iyang gipahibawo ang korte nga niadtong adlawa kuyog nila ang caretaker sa iyang balay, mga ig-agaw ug usa ka manikurista.
Mobiya na unta sila niadtong Pebrero 7 paingon sa Singapore nga atua nagbase si Griffiths apan nabiyaan sila sa ayroplano busa nianang Pebrero 9 na sila nakalarga.