Dalaga mireklamong gihinol ang kinatawo

GIDUWAAN ang kinatawo ug gipatulon pa gyud ang duga sa kinatawo sa usa ka security supervisor ngadto sa 22 anyos nga babayeng trabahante sa usa ka imnanan nga nipasangil nga gilugos siya sulod sa usa ka motel dinhi sa dakbayan sa Sugbu niadtong Sabado sa buntag.

Ang suspek nga nadakpan ug nabalhog sa Mabolo police station nakalingkawas human giingong gibuhian sa jailer nga pulis nga iyang higala.

Hinungdan nga grounded si PO1 Lloyd Magdadaro sa Mabolo Police Station tungod niini. Ang suspek gi-turn over sa mga barangay tanod sa Barrio Luz dihang ilang nadakpan.

Si Ellen, nagtrabaho sa usa ka imnanan sa usa ka hotel, nireklamo sa Mabolo police human siya giingong gilugos sa supervisor sa mga sikyu.

Si SPO1 William Tabotabo, sa Mabolo Police Station nga nahinabi sa Sun.Star Superbalita, nagkanayon nga ang biktima nipasangil batok sa suspek nga niadtong Sabado sa alas 10:30 sa buntag nag-serve siyag beer sa ilang mga customer.

Dunay duha ka customer nga wa mailhi ang pugsanong nibira kaniya, gikuptan ang iyang abaga ug gipalingkod sa ilang tunga.

Siya nialegar nga gisigesahan siyag hikap-hikap apan bisan giunsa niya sa pagbadlong wa gyud mopatuo.

Pipila ka minutos ang nakalabay, niabot ang suspek ug pugsanon siyang gibunlot pasakay sa usa ka taxi diha sa gawas dayon gidala sa usa ka motel sa dakbayan sa Sugbo diin siya gipahimudsan.

Samtang didto sila sa motel, ang biktima giingong way nahimo, gihinol ang iyang kinatawo sa makadaghang higayon sa suspek.

Gawas niini gipugos usab siya sa pag-oral sex ug gipakaon pa kaniya ang hugaw, hinungdan nga ang biktima igo nalang sa paghilak nga nisunod sa mando niini.

Human niini, gipakaligo ang biktima sa shower dayon gihatod pagbalik sa hotel.

Si Sr. Supt. Melvin Ramon Buenafe, hepe sa Cebu City Police Office (CCPO) nga nahinabi sa Sun.Star Superbalita nagkanayon nga gimanduan na niya siya Si Chief Insp. Aureo Sanchez, hepe sa Mabolo Police Station sa pagduso og report sa insidenti.

Matod pa niya nga mag-atubang og kasong administratiba ingon man posibling matangtang pa sa iyang trabaho si Magdadaro kon mamatud-ang gitabangan niining makaeskapo ang suspek nga iyang higala.

Sa iyang nakuhang impormasyon, kumpiyansa si Magdadaro sanglit kay iyang amigo ang suspek.

Alang kaniya nga magsilbi kining warning sa mga police ilabi na niadtong mga jailer nga d mokumpiyansa sa ilang pagdawat og mga dinakpan, bisan kon ilang higala ila gyud nga isulod sa selda.

Samtang Si Chief Insp. Sanchez, nga nahinabi sa Sun.Star Superbalita, nagkanayon nga wa gyud masulod ni Magdadaro ang suspek.

Giingong pag-turn over sa mga barangay tanod sa Luz, gidawat gilayon kini sa police station niadtong Sabado sa alas 5:00 sa hapon.

Apan samtang nagpaabot sila sa hepe sa women’s desk nga Si SPO2 Fe Altobar, giingong kalit lang nahanaw ang suspek nga gikasagmuyo sa biktima.

Gikompirmar ni Sanchez nga amigo ni Magdadaro ang suspek.

Gani gipaningkamutan nila ang paggukod niini aron madakpan ug hangyuon ang iyang higala sa pag-surrender.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph