GAWAS sa pag-ensayo sa Amerika, obligado sab gyud si 8-time world champion Manny Pacquiao nga motabang sa pag-promote sa umaabot nilang away ni Sugar Shane Mosley.
Nagkanayon si Canadian adviser Michael Koncz nga nakaeskedyul si Pacquiao sa pagbisita og nagkadaiyang US television shows aron i-promote ang iyang pagdepensa sa World Boxing Organization (WBO) welterweight title.
“There will be tremendous amounts of TV guestings because that’s part of the agreement we had with Showtime and CBS, to promote the fight and break the pay-per-view record,” asoy ni Koncz sa interbyu sa abs-cbnnews.com.
Dili sama sa iyang nangaging mga away nga gisalida sa HBO Sports, ang pagpakigharong ni Pacquiao kang Mosley isalida sa Showtime.
Ang Showtime mopasalida og upat ka episodes sa documentary show nga Fight Camp 360 nga sama sa HBO 24/7.