Daghan karon sa mga nagkadaiyang grupo sa sector sa transportasyon ang nangandoy nga mahulipan sa iyang katungdanan si LTFRB Regional Director Mandangan Darimbang.

Atol sa pagbisita dinhi sa atong siyudad ni Halangdon Presidente Noynoy Aquino, usa ka open letter ang gipaabot sa mga grupo nga wala na mahimoot sa pagdumala ni Darimbang. Usa sa mga bug-at nga rason mao ang pagka "over staying" niini sa iyang paghupot sa pwesto.

Nasuta niining maong lindog nga aduna pa diay mas seryosong hinungdan ngano nga dili na angay nga magpabilin ang maong opisyal sa katungdanan. Kini mao ang seryosong alegasyon nga nahimo kuno ni Darimbang ug kini mao ang pagpangayo sa mga taxi o PUJ operators sa sobra sa gitaganang balayronon sa "franchise fee" nga gani moabot pa sa P30 mil ngadto na sa P60 mil matag unit. Hinoon, direktang gipanghimakak man kini mismo sa maong opisyal.

Sa matag sakay nato sa taxi o PUJ, atong kanunay gipangutana ang matag driver kun uyon ba sila nga pulihan na si Darimbang? Sa 10 ka hingtungdan nga akong gipangutana, wala gayuy bisag usa na lamang nga pabor kang Darimbang. Unsa man diay ang simpleng interpretasyon niini? Kini nagpaila nga wala gayud mahimoot kining sector sa transportasyon ngadto sa maong opisyal.

Kasagaran sa ilang komentaryo nga grabe na kaayo ang garapalan nga sekretong mga transaksyon diha sa LTFRB. Gani ang nakangil-ad matud pa nila kay gi-monopolize ang insurance diha ug kini direktang gidumala sa mismong asawa sa maong director. Dili ba klaro kaayo ang balaod nga ang mga opisyal sa gobiyerno elected man o appointed dili angayan mohimo ug mga transaction diha sa buhatan nga ilang gialagaran para malikayan ang gitawag nga "conflict of interest"?

Ako hugot nga nagtoo nga pinaagi sa pagtul-id sa baluktot nga dalan sa kampanya ni PNoy, ang pangandoy ug pangindahay sa mga katawhan nga mapulihan si Darimbang mahitabo gayud. Hinaot pa unta.

***

Kinsa man kining maong prosecutor nga karon nagretiro na, grabe ug nanghinubra man ang iyang raket sa maong kanhi buhatan nga iyang gialagaran, susmaryosep! "Resolution for sale" man diay ang gahimoon niini.

Asa ka ba manangkong nga dili siya ang investigating fiscal pero, siya man hinoon ang nagpalusot sa resolusyon nga wala man magbasi sa mga pruyba sa gihimong preliminary investigation?

Gani, sa gihimo ta nga pakisusi, daghan sa mga krimenal nga giimbestigahan diha sa iyang buhatan ang nakalingkawas sa mga bug-at ug seryosong mga kaso kay sapi raman diay ang katapat.

Tungod sa kagarapal niining maong kanhi prosector, bisag nagsangkiig na molakaw tungod sa iyang seryosong sakit, sigi lang gihapon panapi hangtud sa katapusang adlaw sa iyang katungdanan.

Daghan nagtuo nga kining seryosong balatian nga mitakboy sa maong kanhi prosector, timaan na nga nagsugod paglimin ang "KARMA" sa iyang kinabuhi. Ako nagtuo nga daghan dinhi sa atong dapit ang nahikawan sa hustisya sa gihimo niining lampingasan nga kanhi prosecutor.

*****

Atangi ang paghibalik sa TODO BANAT sa Radyo uban ni Banat Jonas Bustamante. 546r 201r 083r 1 week lang pre. Congrats sa akong mga anak nga sila si Janric ug Jana Erika Bustamante sa ilang maayong academic performance isip mga gold medalist, congrats usab sa tanang migradwar karong tuiga. (Sa inyong reaksyon o opinion text o tawag sa 09187095145.)