SUGOD karong Abril 11, training sa mga nagkalainlaing natad sa paugnat sa kusog ang ipaambit sa Cebu City Sports Commission (CCSC) ngadto sa pipila ka mga barangay sa dakbayan sa Sugbo.
Si CCSC chairman Edward Hayco, sa press conference kagahapon sa Yayoy’s Grill sa Orchid street, mibutyag nga ilang gipalapdan karong tuiga ang ilang grassroots sports program nga ipahigayon diha sa Cebu City Sports Institute (kanhi San Nicolas gym) sa Pasil, dakbayan sa Sugbo.
“We want to bring the sports in the barangay level to simply give these children a fun experience this summer,” padayag ni Hayco.
Ang mga training mosentro sa arnis, volleyball, chess, aerobics, table tennis, boxing, dancesports, taekwando, basketball, badminton, chess ug scrabble.
Kini ipahigayon usab sa Sawang Calero, Inayawan, Lahug, San Nicolas, Mambaling, Mabolo, Labangon, Guadalupe, Tejero, Apas, Bulacao, Day-as, Tisa 1, Tisa 2, Basak, Zapatera ug Talamban. ISL