Dear Papa Joe,
Just call me Red.
I’m from this city. I need your help. About ni sa akong love life. Hapit na mi mag 2 years sa akong uyab. We are just neighbors nga uyab mi tungod kay love kaayo ko niya sa una pang kita niya nako. Kadtong bata pa mi crush na gyud ko niya. Love kaayo ni nako akong BF kay gidawat ko niya sa tanan bisan ingon ani akung batasan. Tungod niya nagbag-o ko kay di ko gusto mawa siya kanako.
Nagdugay gyud mi bisan sige mi og away. Makigbuwag siya nako apan sakit kaayo. Maora kog maboang ug kalagot akong ma-feel. Kada away namo ako gyuy makig-uli og balik kay di lagi gyud ko mahimutang nga di ko makakita niya. Kada adlaw man gud mi magkita ani niya. Pirmi na ko magpaubos kaniya apan siya magpataas gihapon siya sa iyang pride. Unya di gyud ko ganahan ana. Maora gani di siya mosabot sa akong gibati. Kay karon pa man sad na siya nakaseryuso sa usa ka babaye.
Di gyud nako gusto magbuwag mi. Maglagot gud ko anang iya kong buwagbuwagan. Sa sige namo og away wa na gyud ko magpaubos tungod sa akong kalagot kay iya ko buwagbuwagan. Unya makigbuwag na sad siya nako. Sakit kaayo basta love nimo ing-anion ra ka. What should I do? Daghang salamat.
RED
Red,
Ang akong masulti ana no kay siguro too much familiarity na kaayo mo and siguro nahutdan na mo og topic matag kita ninyo mao mo-resort mo og topic nga out of this world. Kanang naa nay pangutana nga , love ko nimo? Hangtod na sa komedya mahug og away knowing nga may batasan sad ka.
Mao sad nay problema sa silingan ba kay puol na kadugayan. Walay challenge unya di na mo kahimo malingaw nga di magkinto kay makit-an, unya lainon pagsabot. Wa man sad nimo isulti ang inyong mga edad pero if you think kapoy then ipahuway sa. E-overhaul inyong relasyon. Pangitaa sa ang inyong kalibutan duha kay tungod sa inyong pagkadug-ol since bata pa mo, diha na lang gatuyok inyong kalibutan.
And after siguro kon duna na moy space, anha na mo mo decide worth it ba inyong relasyon. Ayaw pugsa if you think di mo work para lang to satisfy your feelings kay love nimo siya. If ganahan gyud ka magkakamo then grow more and pray to God. Daghang salamat sad sa imong tampo. PAPA JOE
(para sa inyong suliran ipadangat lang sa papajoelon@hotmail.ph)