SA tumong nga maangkon ang mas paspas nga pagpaabot og serbisyo ngadto sa mga negusiyante nga may transaksiyon kanila, nanganti ang Department of Trade and Industry (DTI) nga mas lig-unon pa ang pagpatuman sa National Economic Research and Business Assistance Center (Nerbac).
Pahayag ni DTI-Davao Region Director Marizon Loreto nga ang Nerbac gilusad nila dinhi sa Davao region niadtong 2005.
Sumala pa nga kini gi-replicate sa ubang bahin sa nasud niadtong 2008.
Sumala ni Loreto nga pinaagi sa Nerbac, nahitabo ang 'fast, efficient service' sa DTI ngadto sa may transaksiyon kanila.
Dugang sa opisyal nga makita sa Nerbac ang nagkadaiyang ahensiya nga may "business application regulatory functions," nga gilangkuban sa Bureau of Internal Revenue (BIR), Social Security System (SSS), PhilHealth, Home Development Mutual Fund (HDMF), Department of Labor (Dole), Mines and Geosciences Bureau, Department of Environment and Natural Resources (DENR), CDA ug DTI attached agencies sama sa Board of Investment (BOI) ug Philippine Contractors Accreditation Board (PCAB).
Nasuta nga ang nag-unang tumong ug katuyuan sa katukuran sa Nerbac mao nga makunhuran ang business name registration processing time gikan sa 60 diyas ngadto sa lima ka adlaw na lamang.
Subay sa datus niadtong 2010, ang Nerbac dinhi sa siyudad nakahimo sa pag-proseso sa BNP sud lamang sa 20-30 minutos.
Ang katukuran sa Nerbac nahisubay sa Republic Act 7470, naila sab nga National Economic Research and Business Assistance Center (NERBAC) Act of 1992. Kini nagkanayon nga: "mandates the establishment of NERBAC to provide entrepreneurs and investors with the basic information on various business opportunities and to facilitate, through a one-stop action center, the processing and documentation of requirements for business establishment, including credit services."
Sa pikas bahin, gipahibawo sab sa DTI nga sukad 2006, ang Davao Region naka-generate og US$73M gikan sa 'more non-traditional products.'
Kini gilangkuban sa coco peat blocks diin ang market niini didto sa Taiwan, lady's bag (France), black nachi stones ug garden white stones (Japan), cacao bean (US, Netherlands, Malaysia), banana flour (Korea), microwable banana/turon (US, Japan, Middle East), coconut sugar US, Canada), bamboo craft (Japan), virgin coconut oil (US, Netherlands), coco fiber ug coco peat (China, Taiwan), fresh and processed mango (Japan). (Rhona Goc-ong)