USA ka Canadian national kinsa wa nakaantos sa iyang gibati nga balatian ang nagpakamatay pinaagi sa pagpusil sa iyang kaugalingon alas 2:50 sa hapon niadtong Huwebes.
Nagpakamatay mao si Warren Jonhson, 64, minyo, kasamtangan nga nagpuyo sa Purok 20, Mananama, Barangay 76-A Bucana, siyudad sa Davao.
Si Police Officer 2 Danilo Alngog sa San Pedro Police Station nagbuytag sa iyang spot report nga ang biktima wa nakaantos sa iyang gibati nga sakit sa pancreas mao nga nagpakatamay ang biktima.
Nasayran nga ang pagpakamatay sa biktima nasaksihan ni Merlyn Mansongan, 23, dalaga, personal assistant sa biktima ug Elsie Mansinades Pasig, 42, minyo, house helper, nagpuyo sa Sanasa Street, Barangay 76-A Bucana.
Sila Mansongan ug Pasig nagbutyag nga ilang nakita ang biktima nga nagbitbit og .45 nga pistola maoy gigamit sa krimen.
Dihang nasiplatan nga nagbitbit ang biktima og armas, gisanta siya sa iyang personal assistant pinaagi sa pagpahunong sa biktima, apan wa siya naminaw gikablit ang gatilyo sa armas hinungdan nga mibuto ug naigo ang iyang walang ulo.
Si Johnson gikatahong namatay dayon human naigo sa iyang ulo sigun sa mga
operatiba sa Scene of the Crime Operatives (Soco)-Davao Region.
Nakuha sa mga otoridad ang usa ka .45 kalibre nga pistola nga dunay serial number NYD75240 nga dunay upat ka mga buhing bala sa magazine.
Samtang gihiling ang panimalay sa biktima, nakuha sab sa kapulisan ang usa suicide note nga gisuwat sa usa ka notebook nga nagkanayon: "I am very sick and weak now I suffering lots of severe pains from my pancreas. Time to put a stop to it."
Ang patay nga lawas sa langyaw atua karon gihaya sa St. Peter's Funeral Homes-Panacan Branch. (Alger Dura)