DAGHAN sa katawhan ang supak labina gyod ang simbahang Katoliko kalabot sa gustong ipalabang nga balaod nga bitayon usab ang bisan kinsa mga foreign national nga masapong nagdala o nagamit sa illegal nga druga sa nasod.
Si 2nd District Congressman Rufos Rodriguez sa Cagayan de Oro gikatakdang mopalabang og balaod ngadto sa kongreso kalabot niining mga foreign national nga bitayon usab kung makasala labina gyod ang pagamit sa gidili nga druga o magbitbit nga masapon ning nasod.
Iyang gipasabot ni Rodriguez nga unfair sa mga Filipino nga tua gawas sa nasod ug makasala tungod sa pagbitbit og mga ilegal nga druga nga deretsonga pagabitayon.
Apan daghang katawhan ang nisupak niini labina gyod ang simbahang Katoliko tungod kay ilang rason nga walay laing makahunos sa kinabuhi sa usa ka tawo gawas lamang sa Ginoo.
Kahinumduman nga daghang mga Filipino ang nasilag sa nahitabong pagbitay sa tulo ka mga Filipino overseas workers (OFW's) didto sa China niadtong niaging semana tungod sa pagdala og ilegal nga druga. (Stephanie V. Berganio)