USA KA dakong billiard tournament ang ipahigayon sa Lapulapu City sa umaabot nga mga adlaw.
Gitumbok mao ang Manny Pacquiao Cup: Kadaugan sa Mactan 10-Ball Championship nga gikatakda karong ABril 24-27 sa Hoops Dome sa Lapulapu City.
Ang torneyo nahilakip sa mga kalihukan sa umaabot nga piyesta sa siyudad.
Si pound-for-pound champion Manny Pacquiao midesisyon nga suportahan ang torneyo sa wala pa siya milarga sa Amerika aron ipadayon ang iyang training alang sa iyang pagpakig-away kang Sugar Shane Mosley.
Nakadala na sab si Pacquiao sa papel ni Lapulapu sa bantugang “Kadaugan sa Mactan.”
Nag-organisar sa torneyo mao sila si Paul “Magi” Magadan ug Lapu-Lapu City councilor Rudy Potot.