DUNA nay authority to close ang kagamhanan sa dakbayan sa Naga alang sa ilang open dump facility nga anaa mahimutang sa Barangay Bairan.

Ang open dump facility maoy gigamit kaniadto sa dakbayan nga labayanan sa ilang mga basura sa wa pa matukod ang Material Recovery Facility (MRF) diha sa Barangay Pangdan.

Ang officer in charge sa Environmental Management Bureau (EMB) sa Department of Environment and Natural Resources (DENR) nga si Alan C. Arranguez nihatag na og go signal ni Mayor Valdemar Chiong aron sirhan na ang ilang karaan nga dumpsite.

Si Chiong nibutyag nga di sayon ang pagpasira sa karaan nga dump site tungod kay kinahanglan pa man nga mananghid sa DENR ug dunay klaro nga rehabilitation plan alang niini.

Ang karaan nga labayanan sa basura dunay gidak-on nga 4,899 ka metro kuwadrado.