GIPAHUGTAN na usab sa Kapitolyo ang pagpatuman sa “no segragation, no collection policy” agi og suporta sa paningkamot sa kagamhanan sa syudad sa Sugbo.

Matod ni Provincial Administrator Eduardo Habin nga hugot usab nga ipatuman ang pag-segregate sa mga basura sa matag buhatan sa Kapitolyo apil na sa Legislative Building.

Ang Provincial Environment and Natural Resources Office (Penro) ug Mandaue Integrated Manpower Services (Mims), janitorial service provider sa Kapitolyo nitigom sa matag departamento sa Kapitolyo niadtong Huwebes.

Ang mga nanambong sa tigom gipahibawo nga kinahanglan na nila nga

i-segregate ang mga basura sa ilang buhatan.

Ang matag departamento gipasidan-an nga dili kolektahon ang ilang mga basura kon di ma-segregate.

Si Habin niingon nga dugay rang nasugdan sa mga empleyado sa Kapitolyo ang paglain sa mga basura sama sa malata ug di-malata.