"It's time for Willie Revillame to go."

Mao kini ang pahayag ni Senator Francis "Kiko" Pangilinan, kapikas ni Megastar Sharon Cuneta.

Ang maong pahayag sa senador iyang gipadayag pinaagi sa iyang Twitter page sa nakalabay nga Sabado.

Diretsahan sab nga gitawag ni Kiko si Willie nga "unrepentant, arrogant and incorrigible."

Sa nakalabay nga Biyernes, gibutyag ni Willie nga off the air una sud duha ka semana ang iyang programa nga "Willing Willie," tungod sab sa nagpungasi nga mga intriga human misayaw ang batang si Jan-jan sa iyang programa nga daw usa ka macho dancer bugti sa diyes mil pesos.

Sa maong adlaw sab, giresbakan ni Willie ang pipila ka artist: Jim Paredes, Agot Isidro, Mylene Dizon, Bianca Gonzalez, Tuesday Vargas, Aiza Seguerra ug Lea Salonga.

Ni Willie pa mofile siyag libel case kontra sa mga tawong midaut niya.

"We belong to the same industry. Instead of passing judgment prematurely, you should be helping me help other people," ni Willie.

"You've destroyed my person. Are you helping the poor? You should first look in the mirror and ask yourself this question. What good have you done for your country?" dugang niya.

Tungod sab sa iyang naluwatang pahayag, gihagit sab sa senador ang TV host nga apil sab siya sa kasuhan.

Ang maong hitabo sab nahimong rason nga mitingog, mihatag sa ilang nagkadaiyang opinyon ang mga ahensiya sa gobyerno.