HINGPIT nga nahanaw na ang paglaom sa Pilipinas sa nagpadayon nga 2011 Philippine Open Pool Championships human si Antonio “Nikoy” Lining napukan ni Ralf “Kaiser” Souquet sa Germany kagahapon sa SM Megamall.
Human modaog batok ni kanhi world champion Derren Appleton, 9-6, si Lining yanong gisiruhan ni Soquet, 9-0, sa semifinal round sa men’s 10-Ball.
Ikasangka ni Souquet ang German nga si Thorsten “The Hitman” Hohmann sa finals. Gipukan ni Hohmann si Liu Hai Tao sa China, 9-8, sa laing semifinal match.
Samtang sa Women’s 10-Ball, gisakmit ni Siming Chen sa China ang kampiyonato pinaagi sa pagpakaging ni Kelly Fisher sa Great Britain sa finals, 9-3.