GIPAMATUD-AN sa batan-ong si John Flores nga kaya na gyud niyang makigparang sa hamtong nga riders pinaagi sa pagsakmit sa kadaugan sa Expert division sa miaging adlaw sa 4th leg MS Motosuit Motocross Series sa miaging adlaw sa Calamba, San Remigio.
Giulohan og 20th Ornopia Motocross Cup 2011, mga nanag-unang riders sa Sugbo ug kasikbit nga mga dapit.
Nagsunod kang Flores mao sila si 2nd placer Rex Barbaso ug 3rd placer Juvenille Abellar.
Mibawi si Abellar pinaagi sa pagdaog sa Pro Open category diin nagsunod kaniya sila si 2nd placer Barbaso ug 3rd placer Flores.
Mikawat og dakong atensyon si Cyril Tariman dihang duha ka mga titulo ang iyang naangkon – sa Intermediate Open ug Novice Open Production.
Nagsunod kang Tariman sa Novice Open mao sila si Omar Sabal ug Dongkey Sanchez samtang sila si Barbaso ug Flores ang nagsunod kang Tariman sa Intermediate Open.
Si kanhi Rider of the Year awardee Seigfred Ornopia midaog na sab sa Executive B diin nagsunod kaniya sila si Rossell Gungob.
Nagsuporta sa lumba m ao ang Petron Sprint 40, F&FO Motor Parts, RMO Motor Parts, Keiz BJ Motor Sales, JCO Motor Parts, Prospeed Motor Parts, Motomaze Motor Parts, Cevetco, A&G Bike Shop.
Mitabang sab sa kalihukan sila si Mayor Jay Olivar, Cong. Benhur Salimbangon, Engr. Susan Ornopia, Nap Pepito, Seigfred Ornopia, Dr. Andy Uy, Emma Dosdos, Dado Navares u gang Calambua barangay officials.